Saturday, May 12, 2018

යහපත් බුද්ධිමත් දරුවෙකු වෙනුවෙන් කැපවෙමු


දරුවකු පිළිසිඳ ගැනීම ඔබගේ ප්‍රේමය සඵලවීමක් මෙන් ම පවුලක් ලෙස සමාජයේ පිළිගැනීමට ලක්වීමකි. ඒ සිහිනය මල් ඵල ගත් ඔබ දෙපල ඔබේ අනාගත දරුවා පිළිබඳ සුවහසක් ප්‍රාර්ථනා එක් කරමින් සිටිනවා ඇති. ඔබේ කුසට පැමිණි ආදරණීය බිළිඳා නිරෝගී බුද්ධිමත් දරුවකු බවට පත්කරන්නට ඔබ පෙරුම් පුරනවා ඇති.මේ මග පෙන්වීම ඔබේ ආදරණීය දරුවා සංවේදී බුද්ධිමත් දරුවකු බවට පත් කර ගැනීමටයි.



සැබවින්ම යහපත් බුද්ධිමත් සංවේදී දරුවකු ලබා ගැනීම සඳහා ඔබ සූදානම් විය යුත්තේ විවාහ වූ දිනයේ සිටයි. යහපත් දරුවකුගේ මවක හෝ පියකු වීමට ඔබ ද ඔබේ චරිතය සකස් කරගත යුතුයි. නිතර කෝප ගන්නා ස්වභාවය, ගැටළු වලදී හැඟීම් වලට වහල් වී කටයුතු කිරීම ආදිය ඔබ වෙනස් කර ගත යුතුයි. පියා දුම්පානයට, මත් පැන් පානයට ඇබ්බැහි වී සිටිනවා නම් එම පුරුදු ක්‍රමයෙන් අඩු කරගනිමින් මත් පැන් දුම්වැටි වලින් සම්පූර්ණයෙන් නිදහස්වීම වැදගත්. මත්පැන් නිසා ගෙදර සාමයට, සතුටට බාධාවන් ඇති වෙනවා. දුර්වල ආබාධිත දරුවන් ඉපදීමටත් හේතුවක් වෙනවා.

සැමියා හා බිරිඳ වශයෙන් සතුටින් සහ ස්නේහයෙන් එකිනෙකාට ගරු කරමින් යහපත් ලෙස මුදල් උපයමින් ජීවත්වන්නේ නම් එවැනි මා පිය යුවලකට උපදින දරුවා ඉතාම පින්වන්තයි, ඥානවන්තයි, බුද්ධිමත්. ඒ නිසා දරුවන් බලාපොරොත්තු වන යුවල යහපත් දරුවකු ලබන්න “ පේ වීම“  කළ යුතුයි.

දැන් ඔබ මවක පියෙකු වීමට සූදානම්ව සිටින නිසා කුස තුළ වැඩෙන දරුවා සංවේදී යහපත් බුද්ධිමත් දරුවකු කිරීමට බොහෝ දේ කළ හැකියි. ඒ සඳහා ඔබට මුදල් වැය වන්නේ නෑ. එයට අවශ්‍ය වන්නේ ඔබේ කැපවීමයි.

මොළය වැඩෙන දින 1000

දරුවකුගේ මොළය වර්ධනයෙන් 80%ක් පමණ වර්ධනය වන්නේ දරුවා කුසතුළ සිටින කාලය ඇතුළත්ව දින දහසක දී බව සොයා ගෙන තිබෙනවා. මේ අනුව දරුවා කුස තුළ සිටින දින 280 ට අමතරව උපත ලැබීමෙන් පසුව වසර දෙක හමාරක කාලය මීට අයත් වෙනවා. මේ කාලය තුළ දී අපගේ පංචේන්ද්‍රියන් හඳුන්වන ඇස, කන, නාසය, දිව, ශරීරය යන ඉන්ද්‍රියන් උත්තේජනය වන දෑ අප කළ යුතුයි. එවිට කුස තුළ සිටින දරුවාගේ ස්නායු ක්‍රියාකාරීත්වය වර්ධනය වී මොළය හොඳින් වර්ධනය වෙනවා.මව ගර්භනීව සිටිය දී “ ළමා කාමරය සකස් කරන්න යැය් ඔබේ පවුල් සෞඛ්‍ය නිලධාරීතුමිය පවසන්නේ දරුවාගේ මොළය වර්ධනය කිරීම සඳහා. ඔබ ඉපදෙන්නට සිටින දරුවා වෙනුවෙන් සිදු කරන කාර්යන් කුස තුළ සිටින දරුවාට දැනෙනවා.




ගර්භනී මව විසින් අසන ගීත කුස තුළ සිටින දරුවා අසා සිටිනවා. ගර්භයට මාස 05ක් වන විට දරුවාට අවට පරිසරයේ සිදුවන දෑ ඇසෙන්නට පටන් ගන්නවා. එනිසා ඔබ අසන ගීත යහපත් ගීත විය යුතුයි. සරළ සංගීතය සැකසී ඇත්තේ අපගේ හදවත ගැහෙන රිද්මයට අනුවයි. අද බොහෝ දෙනා අසන වේග රිද්ම ගීත නිසා මනසට විඩාවක් දැනෙනවා. කුඩා කාලයේ වේග රිද්ම ගීත අසන දරුවන් ඉක්මණින් කෝප වන කලහකාරී දරුවන් බවට පත්වෙනවා. සරළ ගීත වලට ඇහුම්කන් දෙන දරුවන් සාමකාමී දරුවන් වෙනවා. මෙහි දී ඔබ අසන ගීත අර්ථවත් වීමත් වැදගත් වේ. මව් ගුණ ගීත, පිය ගුණ ගීත, නැලවිලි කවි, බොදු ගීත සහ දේශාභිමානී ගීත ඇසීම තුළින් දරුවාගේ සිත තුළ මව් පියන් කෙරෙහි ගෞරවය, තම රටට ආදරය කිරීම වැනි යහපත් ගුණාංග ඇති වෙනවා. එමෙන් ම දරුවා නිර්මාණශීලී දරුවකු බවට පත් වෙනවා. එලෙස නිර්මාණශීලී, යහපත්, බුද්ධිමත් දරුවකු වෙනුවෙන් මේ සටහන තබන්නේ.



සරළ සුභාවිත ගීතයකට සවන් දෙන විට අපේ සිත ඇල්ෆා අවස්ථාවට පත් වෙනවා. එහි දී මනස මැනවින් ඒකාග්‍ර වෙනවා.මවගේ නැළවිලි ගීත ඇසෙන විට දරුවා සුවසේ නිසා ගන්නේ එලෙස මනස ඒකාග්‍ර වන නිසයි.

ගර්භනී මව විසින් අසන ගීත පමණක් නොවේ නිවසේ සිදු වන කතා බහ, ඇනුම් බැනුම් මෙන්ම මව විසන් නරඹන රූපවාහිනී නාට්‍ය ආදිය කුසේ සිටින බිළිඳා අසා සිටිනවා. මේ නිසා නිවසේ දී ගර්භනී මවට සුවසේ සිටීමට හැකි වාතාවරණයක්, පීඩාකාරී නොවන පරිසරයක් නිවැසියන් විසින් සකස් කර දිය යුතුයි. රූපවාහිනියේ ප්‍රචාරය වන වෛරය පළිගැනීම සහිත කතා නැරඹීමෙන් වැළකිය යුතුයි. රූපවාහිනියේ ප්‍රචාරය වන වෛරය පළිගැනීම සහිත කතා නැරඹීමෙන් වැළකිය යුතුයි. වර්තමානයේ දරුවන් ප්‍රචණ්ඩකාරී වීමට හේතුව ගර්භනී සමයේ මව විසින් නරඹන වෛරය පළිගැනීම සහිත කතා පුවත් සහ නිවසේ පීඩාකාරී ඝෝෂාකාරී පරිසරය බව මනෝ විද්‍යාඥයින් සොයා ගෙන තිබෙනවා.

ගර්භනී මව විසින් ගන්නා ආහාර ද සෘජුවම දරුවාට බලපාන බව ඔබ දන්නවා. වර්තමානයේ වෙළඳපොලේ තිබෙන ක්ෂණික ආහාර , රස කාරක යෙදූ ආහාර, සිසිල් බීම, කෙටි කෑම ( ෂෝට් ඊස්ට්) ආදිය බෙහොමයක පිළිකා කාරක තිබෙනවා. එමෙන් ම දරුවන් ඒ.ඩී.එච්.ඩී හෙවත් අධි ක්‍රියාශීලී මානසික ඒකාග්‍රතාව අඩු දරුවන් ඉපදීමටත් හේතු වෙනවා. ඒ නිසා කෘත්‍රීම ආහාර නොගෙන ස්වභාවික එළවළු, පළතුරු පමණක් ආහාරයට ගන්න.



දරුවා උපන් පසු වසර දෙකක් වන තුරු මොළය වර්ධනය 80% දක්වා වර්ධනය කරගන්න නම් මුලින් සඳහන් කළ අයුරින් “ ළමා කාමරය සකස් කර ගන්න. දරුවාට ඇසෙන්න දරු නැළවිලි ගීත ගායනා කරන්න. දරුවාට ඇසෙන සේ යහපත් සරළ ගීත වාදනය කරන්න. ඔබට ගයන්නට හැකි නම් ගයන්න.


රූපයේ පෙන්වා දෙන පරිදි අපගේ මොළයේ වම් සහ දකුණු මොළය වශයෙන් බෙදිය හැකියි. එහි දී නිර්මාණශීලීත්වය, රිද්මය, චිත්‍ර ඇඳීම, ගායනය, නර්තනය වැනි සෞන්දර්යාත්මකහැකියාවන් ඇති වන්නේ දකුණු මොළයේ ඇති ස්නායු ක්‍රියාකාරීත්වය වර්ධනය වීමෙන්. සරළ සුභාවිත ගීත ඇසීම, නැලවිලි ගී ගැයීම, ළමුන්ට කතාන්දර කීම මගින් දරුවාගේ දකුණු මොළය වඩාත් හොඳින් උත්තේජනය වනවා.



වම් මොළය මගින් ගණිතමය හැකියාව, තර්කනය,විශ්ලේෂණය වැනි හැකියාවන් වර්දණය කරනවා. මේ සඳහා බටහිර රටවල මව්වරුන් දරුවා කුස තුළ සිටිය දී විවිධ දෑ ඉගෙන ගන්නවා. පොත් කියවීම කරනවා. දරුවකු බුද්ධිමත් වන්නට වම් මොළය හා දකුණු මොළය යන කොටස් දෙකම අවශ්‍ය වෙනවා. එම නිසා වම් හා දකුණු මොළය යන කොටස් දෙකම උත්තේජනය වන්නට අවශ්‍ය දේ කිරීම වැදගත්.



දරුවා ඉපදුණු දිනය වෙනුවෙන් පැලයක් සිටුවන්න. දරුවා වැඩෙද්දී ගස ද වැඩේවි. දරුවා සමගින් ගස ගැනත් ගසේ වර්ධනය ගැනත් ඔහුට තේරෙන පරිදි කියා දෙන්න.


පරිසරයේ සුන්දරත්වය දරුවාට කියා දෙන්න. සමණලයින්, කුරුල්ලන්, විවිධ වර්ණයේ මල් ආදිය දරුවාට පෙන්වන්න. ඉර බැස යන අයුරු, සඳ නැග එන අයුරු දරුවාට පෙන්වන්න. දරුවා නින්දට යන විට කවි සහ කතන්දර කියා දෙන්න


ගර්භනී සමයේ දී සහ දරුවා ඉපදුණු පසු ඉහත සඳහන් කළ කරුණු ක්‍රියාත්මක කළ හොත් බුද්ධිමත් , යහපත් දරුවකු ඔබ දෙපළ අතරින් සමාජයට බිහිවේවි. ඒ සඳහා ඔබ දෙපළට ශක්තිය හා වාසනාව උදාවේවායි පතමු!

චාමිකා ජනානි 
ප්‍රා.ළමා ආරක්ෂක නිලධාරී

Monday, May 7, 2018

හිස් කිරීම හා දෙවෙනියා වීම

එක්තරා මහාචාර්යවරයෙකුට සෙන් දහම ඉගෙන ගැනීමට අවශ්‍ය වුණා. ඔහු සෙන් දහම පිළිබඳව උගන්වන දක්ෂතම ගුරුවරයා සොයා ගත්තා. මහාචාර්යවරයා සෙන් ගුරුතුමා හමුවීමට  ඔහුගේ ආරාමයට යන විට ගුරුතුමා සිටියේ තේ පෝච්චියකින් කෝප්පයකට තේ වත් කරමින්. ගුරුවරයා මහාචාර්යවරයාට අසුන් ගන්නා ලෙස දන්වා තම කාර්ය නොකඩවා කරගෙන ගියා.

“ ගුරුතුමනි, ඔබ ඔය කරන්නේ නිශ්ඵල ක්‍රියාවක්. ඔබ කොතරම් උත්සාහ කළත් තවදුරටත් කෝප්පය පුරවන්න බැහැ. බලන්න, කෝප්පය පිරී ඉතිරී ඒවා බිමත් ඉහිරෙන්නයි යන්නේ“

එවට තමන් කරමින් සිටි කාර්ය නැවතූ සෙන් ගුරුවරයා සිනා සෙමින් මෙසේ ප්‍රකාශ කළා.

 “ මහාචාර්යතුමනි, ඔබත් කරන්නේ නිශ්ඵල ක්‍රියාවක්. ඔබ උගත්කම් මනසේ පුරවා ගත්තෙක් නිසා ඔබට තව දුරටත් අලුත් දෙයක් ඉගෙන ගැනීමට හැකියාවක් නෑ. ඔබට අලුත් යමක් ඉගෙන ගැනීමට අවශ්‍ය නම් ඔබ ඔබේ මනස හිස් කර ගත යුතුයි“

මේ පුංචි කතා පුවතින් අපේ ජීවිතයට ඉගෙන ගත හැකි පාඩම් රැසක් තිබෙනවා. අප බොහෝ විට සිටින්නේ අපේ උගත්කම් , නිල තල, බලය ආදිය හිසේ පුරවගෙන. මේ නිසා අලුත් දෑ ඉගෙන ගන්නට අපට හැකි වන්නේ නෑ. අපි සමාජය දෙස බලන්නේ අප ඉගෙන ගත් ද්‍රෘෂ්ටි කෝණයන්ට අනුව.මේ නිසා අපට අසන්නට දකින්නට ලැබෙන සිදුවීම් අපි දකින්නේ සාම්ප්‍රදායික විධියට. එයින් අලුත් දෙයක් නිර්මාණය කරන්නට බොහෝ දෙනාට බැහැ.

අපේම පුංචි දරුවන්ගෙන් මෙන්ම අප අවට සමාජයෙන්, අපේ කාර්යාලයේ අයගෙන්, අප හමුවට පැමිණෙ සේවා ලාභීන්ගෙන් අපට බොහෝ දේ ඉගෙන ගන්නට හැකියි. නමුත් උගතුන්, ඉහළ නිලධාරීන් යන සිතුවිල්ලෙන් පසුවන තාක් අපට මේ කිසිවෙකුගෙන් අලුත් දෙයක් ඉගෙන ගන්නට හැකි වන්නේ නෑ.

එපමණක් නොවේ පරිසරයේ සුන්දරත්වය, කලා කෘතියක අපූර්වත්වය මේ කිසිවක ඇති සුන්දරත්වය විඳින්නට අපට හැකිවන්නේ නැහැ. අපි අපේ මනස හිස් කර ගත්තොත් මේ සියල්ල හොඳින් වින්දනය කරන්න හැකියාව ලැබෙනවා. එමෙන්ම මනස හිස් කර ගැනීම නිසා සිතට පිවිසෙන නැවුම් සිතුවිලි වලින් නව නිර්මාණ බිහි කරන්නටත් අපට හැකියාව ලැබේවි.

අපි උගතුන්, බුද්ධිමතුන්, නිල බල සියල්ල ඇති අය ලෙස හිස පුරවාගෙන සිටීම නිසා අප කිසි විටෙක තව කෙනෙකුට දෙවෙනි වීමට සූදානම් නැහැ.මේ අන් අයගේ මතයන්ට ඇහුම්කන් දීමේ හැකියාවත් ඒවායින් යහපත් දේ උකහා ගැනීමේ නම්‍යශීලී භාවයත් නැති වෙනවා. මේ නිසා ගැටුම් රැසකට මුලපිරීමක් සිදුවෙනවා.

අන් අයගේ මතවලට ඇහුම්කන් දීමත් නම්‍යශීලී වීමත් තවත් අයෙකුට දෙවනි වීමක් ලෙස සිතා අප එය බැහැර කරනවා. ගැටුම් ඇතිවන පාර්ශව දෙකෙහිම අය මෙලෙස අනම්‍යශීලි වුවොත් සිදුවන්නේ ගැටුම තවත් දර දිග යාමක්. මේ නිසා අප දෙවෙනි වීම කළ යුතුයි.

නම්‍යශීලීවීම ආදර්ශයෙන්ම පෙන්වූ උසස්ම පුද්ගලයා බුදුරජාණන් වහන්සේ. මෙට හොඳම උදාහරණය ආලවක දමනය. ආලවක දමනය කරන්නට ඔහුගේ නිවහනට වැඩම කළ බුදු රජාණන් වහන්සේ ඔහුගේ අණ කිරීම පරිදි නිවසෙන් එළියට හා ඇතුළට කීප විටක් වැඩම කළා.බුදුන් වෙහෙස කරවා ඵලක් නොවූ තැන ඔහු ප්‍රශ්න අසන්නට පටන් ගත්තා. බුදුරදුන්ගේ පිළිතුරු දීම් හමුවේ ආලවක දමනය වුණා. එමෙන්ම බුදු රජාණන් වහන්සේ අන්‍ය ආගමිකයන්ගේ ආරාම වලට වැඩම කර ඔවුන් හා සුහද පිළිසඳරක යෙදී සිටි බව සඳහන් වෙනවා. උන්වහන්සේගේ ඇසුර ප්‍රිය කළ අන්‍ය ආගමිකයෝ බුදුරදුන් පැමිණෙන තෙක් මග බලා සිටි බව සඳහන් වෙනවා. තමන් ලෝකයේ උසස්ම පුද්ගලයා ලෙස සිතමින් මානයෙන් කටයුතු කිරීමක් කෙදිනකවත් බුදුරදුන් සිදු කළේ නැහැ. එහෙනම් තව කෙනෙකු ඉදිරියේ දෙවෙනි වීම තමන්ගේ ආත්ම ගෞරවය පහතට වැටීමක් නොවන බව ඔබට දැන් වැටහෙනවා ඇති.

අනවශ්‍ය පුහු මතවාද වලිනුත් තමන්ගේ උගත්කම් පාණ්ඩිත්‍යයෙන් හිස පුරවා නෙගෙන කටයුතු කළහොත් ඔබට ඔබේ මනස සුසර කරගෙන ජීවිතයේ සෞන්දර්ය විඳින්නට අවකාශය ලැබේවි.


--- චාමිකා ජනානි ---

Tuesday, February 27, 2018

අලුත් කණ්ණාඩිය - කෙටි කතාව

තාරකා රාමු නොමැති අලුත් කණ්ණාඩිය ඉතා ප්‍රවේසමෙන් ගෙන දෙනෙතෙහි ලා මේස කණ්ණාඩියෙන් බැලුවා ය. ඇස් කණ්ණාඩියේ රාමු නොමැති නිසා ඈතින් බලන කෙනෙකුට ඈ කණ්ණාඩිය පළඳින බව නොපෙණේ.

තාරකා මුහුණු බලන කණ්ණාඩියෙන් ඒ මේ අත හරවා යළිත් ඒ තුළින් තම මුහුණ බැලුවා ය.
“ නරකම නෑ. කලින් පාවිච්චි කරපු එක වගේ කැතට පෙනෙන්නෙ නෑ.“ ඇය සිතුවා ය.

“ මිස් කණ්ණාඩිය හොඳද? ඇය පියවි ලොවට පිවිසියේ කණ්ණාඩි සාප්පුවේ සේවකයාගේ හඬිනි.

“ ආ! ඔ..ඔව් හොඳයි“

“ අනිත් කණ්ණාඩි වගේ නෙමෙයි, රාමු නැති නිසා පරිස්සමෙන් පාවිච්චි කරන්න ඕන“

ඇය කණ්ණාඩියට මුදල් ගෙවා වහා සාප්පුවෙන් එළියට ආවා ය.

“ දවල් වැඩට යද්දි මට අලුත් කණ්ණාඩිය දාගෙන යන්න පුළුවන්“ තාරකා කමාට ම මුමුණා ගත්තේ සතුටිනි.

එහෙත් ඇස් කණ්ණාඩිය වෙනුවෙන් වැය කරන්නට සිදු වූ මුදල ගැන ඇයට මතක් විය. එය රුපියල් හයදහසක මුදලකි. හරියටම කිවහොත් තාරකාගේ වැටුපෙන් හරි අඩකි. තාරකා නවාතැන් ගන්නා බෝඩිමට රුපියල් හාර දහසක් ගෙවූ විට ඉතිරි වන්නේ රුපියල් අටදහසකි. කණ්ණාඩිය වෙනුවෙන් රුපියල් හයදහසක් ගෙවූ විට ඉතිරි මුදලින් අමතර ආහාර පාන, ඇඳුම් පැළඳුම් ආදී අනෙකුත් කටයුතු වලට මුදල් ප්‍රමාණවත් නොවේ. මේ නිසා ඇය සිය මිතුරියක වන අනුෂ්කාගෙන් රු 4000ක මුදලක් ණයට ඉල්ලා ගත්තාය.

“ දැන් නම් මට කවුරුවත්ම හිනා වෙන එකක් නෑ කණ්ණාඩිය ගැන කියලා“

බොරැල්ලෙන් නාරාහේන්පිට බසයට ගොඩ වුණ තාරකා හිස් අසුනක් සොයා අසුන් ගත්තාය. ඇයට තම සේවා ස්ථානයේ මිතුරු මිතුරියන්ගේ උසුළු විසුළු මතකයට නැගුණි.

සේවා ස්ථානයේ පැවති පුහුණු සැසි වල දී මොනිකා, තාරකාගේ කණ්ණාඩිය පැළඳ ගත්තා ය.පුහුණු සැසි වලදී පැවැත් වූ ඇතැම් දේශන නීරස වූයෙන් ඒවා අවසන් වන්නේ කීයට දැයි සිතින් බැණ වදිමින් අපි නොසන්සුන්ව සිටියෙමු. මොනිකා මගේ කණ්ණාඩිය උදුරා ගත්තේ මේ නීරස දේශන වල දී කණ්ණාඩියට මුවා වී කෙටි නින්දක යෙදෙන්නට ය.කණ්ණාඩිය දැමූ විට බොහෝ විට ඈත සිට බලන කෙනෙකුට කණ්ණාඩිය දැමූ පුද්ගලයාගේ දෙඇස පැහැදිලිව නොපෙනේ.
“කණ්ණාඩි අක්කා “, “ කණ්ණාඩි නංගී, කණ්ණාඩි මිසී ආදී නම් වලින් සේවා ස්ථානයේ දී තාරකාව හඳුන්වනු ලැබීය.ඇය හා වරෙක අමනාප වූ මිතුරෙක් තාරකා ඈතින් එනු දැක “ අන්න, කණ්ණාඩි පොළඟී එනවා “ යැයි කියනු ඇයට ඇසින. මේ සියල්ල ඇයට දැඩි මානසික පීඩාවක් ගෙනාවේ ය.

වරක් තාරකා රෝහලේ පිළිගැනීමේ අංශයේ සිටිය දී රෝහලේ කාමර පිළිබඳ විමසීමට තරුණයකු පැමිණ සිටියේ ය.ඔහු පැළඳ සිටි කණ්ණාඩිය රාමු රහිත වූ අතර කදිම හුරුබුහුටි බවකින් යුක්ත විය.එමෙන් ම ඔහු කණ්ණාඩියක් පැළඳ සිටි බව ඈ දුටුවේ ඔහු කවුන්ටරය වෙත ළං වූ පසු ය.

තාරකා තරුණයා හා කතා බහ කරන අතරතුර ඔහුගේ කණ්ණාඩියේ රූපය සිතේ ඇඳ ගත්තා ය. කෙසේ හෝ මෙවන් කණ්ණාඩයක් ලබා ගන්නෙමැයි ඇය අදිටන් කර ගත්තා ය.
...................................................................................................................................................................

“ මියුරු කල්පනා.... නෙතක දැල්වුණා..........“ ජංගම දුරකතනය නාදවන්නට විය.තාරකා සිටියේ දහවල එකේ සේවා මුරයට යන්නට සූදානමිනි. ඇය දුරකතනයට සවන් යොමු කළාය.

“ ආ... කණ්ණාඩි හාමිනේ කොහොම ද? අනෙක් පසින් ඇසුණේ නිලූකගේ හඬයි.

“ හොඳින් ඉන්නවා“

“ ඔයගෙ බෝතල් අඩි කණ්ණාඩි දෙක තියෙනව ද?“ ඔහු උපහාසයෙන් අසයි.

තමන් රාමු රහිත කණ්ණාඩියක් මිලදී ගත් බව නිලූකට කියන්නට සිතුණ ද තාරුකා නිහඬව සිටියා ය.

“ ගමේ ගියාම බලා ගන්නෙ නැතැයි මගේ කණ්ණාඩි දෙක“ ඇය තමන්ටම කියා ගත්තා ය.

“ මොක ද නිශ්ශබ්ද? කවද්ද ගමේ එන්නේ?

“ හෙට උදේ වරුවෙ වැඩ ඉවර වෙලා පිටකොටුවෙන් බස් එකට නගිනවා“ යි කියූ තාරකා වහා දුරකතනය විසන්ධි කළේ සේවා ස්ථානයට යාමට වේලාව ළං වූ නිසාය.

තාරකා සූදානම් වී මගට බැස්සාය. වෙනදා දැකපුරුදු බොහෝ දේ නුපුරුදු ලෙසින් හා නැවුම් ලෙසින් ඇගේ අලුත් කණ්ණාඩියට පෙනෙන්නට විය. කපුටන් තැන තැන ඇහිඳ දමා තිබූ පිළුණු අහර ද බල්ලන්ගේ වසුරුද ඇයට නොපෙනිණ. නගරයේ කුණු කාණු වලින් නැගෙනා දුර්ගන්ධය වෙනුවට රජමහා විහාරය අසල රුක් අත්තන ගහේ මල් වල සුවඳ ඇය අවට සරන්නාක් මෙන් දැණින.

දහවල දැඩි හිරු රෂ්මියත් නගරයේ දූවිල්ලත් විසින් නොසන්සුන් බවට පත් කළ ඇය වෙනදා නාරාහේන්පිට හන්දියෙන් පාර මාරුවීමට සිටියේ අධික නොඉවසිල්ලෙනි. එහෙත් අද ඇයට ඒ කිසිවක් පිළිබඳ නිනව්වක් නොවී ය. රෝහලට හැරෙන අතුරු මාර්ගයට හැරී ගමන් කරන ඇගේ දැහැන බිඳුනේ රෝහල් ගේට්ටුව අසල දී ය.

“ අද මිස් කලින් ම වැඩට ඇවිත් නේද? “ සේවකයන් සඳහා වූ ගේට්ටුවේ රාජකාරි කරමින් සිටි මුරකරුවකු වූ දිසානායක විමසීය.  මුව පුරා පැතුරුණු සිනාවකින් ඔහු ට ප්‍රතිචාර දක්වමින් තාරකා රෝහල වෙතට පිය නැගුවා ය.

පිළිගැනීමේ නිලධාරීන් සඳහා වෙන් කර තිබූ කාමරයට ගිය තාරකා අලුත් කණ්ණාඩි පරෙස්සමෙන් ගලවා තබා වත්සුණු හා තොල් ආලේපන තවරා කොණ්ඩය ගෙඩියක් කොට බැඳ ගත්තා ය.ඇස් කණ්ණාඩිය පැළඳ ගෙන මුහුණ බලන කණ්ණාඩියෙන් මුහුණ බැලුවා ය. මඳක් පසුපසට වී යළිත් කණ්ණාඩිය පැළඳූ මුහුණේ රූසිරි බැලුවා ය. එවිට ම ආයිත්තම් වන කාමරයට පැමිණියේ පිළිගැනීමේ අංශයේ  ජේෂ්‍යඨ නිලධාරිනියක වන නිරෝධා මහත්මිය යි. නිරෝධා තම කාර්ය මණ්ඩලයේ සියලුම ගැහැණුම ළමයින්ට තම දූවරුන්ට මෙන් කුළුපගව සලකන්නිය කි.

“ තාරුකා ! අද නම් මොකක් හරි වෙනසක් තියෙනවා. ඇය තම සුපුරුදු ළයාන්විත ස්වරයෙන් පැවසුවා ය.“

“ කෝ, මේ පැත්තට හැරෙන්න බලන්න! ආ.... ෆ්‍රේම් නැති කණ්ණාඩියක් අරගෙන. දැන් නම් කෙල්ලගෙ මූණට එළිය වැටිලා.“

“ මේ බලන්නකෝ දිනූකා අද තාරුකාගේ ලස්සන“

දිනූකා වඩා උනන්දුවෙන් තාරකා දෙස බැලුවා ය.

“ ආ.. තාරු, ඔයා අලුත් කණ්ණාඩිය ගත්ත ද?

“ තාරුකාගෙ ලස්සන අර පරණ කණ්ණාඩිය නිසා වැහිලා තිබිලා තියෙන්නේ. බලන්නකෝ දැන් මෙයාගෙ ලස්සන!

“ පිරිමි ළමයි එහෙම දැන් මෙයා දිහාම බලයි නේද නිරෝධා මිස්? දිනූකා පැවසුවේ ඇසක් වසා ඉඟි මරමිනි.

“ තාරු, බලන්න..මම ලස්සන ඇඳුමක් ගත්තා. මේ ඒකට ගත්ත කරාබු.. ලස්සනයි නේ ද? දිනූකා ඇගෙනි විමසයි.
කණ්ණාඩිය ගන්නට වියදම් නොකළා නම් තමාත් මෙවැනි අලුත් ඇඳුමක් මිලදී ගන්නවා නොවේ දැයි සිතෙන විට තාරුකාට සියුම් දුකක් දැනුණි.
--------------------------------------------------------------------------------------------------------

තාරුකා උදේ වරුවේ තම සේවා මුරය අවසන් කොට ඇඳ පැළඳ ගෙන වහා බසයට නැගුණේ සවස තුනයි තිහේ බස් රථය අල්ලා ගැනීමට ය. කොළඹ සිට පැය පහක් බස් රථයේ ගමන් කිරීමෙන් පසුව තවත් පැයක් තම ගමට යන බස් රථයේ ගමන් කරන්නට තාරකාට සිදුවේ. ඒ නිසා තාරකා යුහු යුහුව පිටකොටුවෙන් බැස මාතලේ බස් රථය සොයා ගෙන ගියා ය. බස් රථය ගමන් ආරම්භ කරන්නට සැර දමමින් සිටී. තාරකා වහ දිව ගොස් බස් රථයට ගොඩ වූවා ය.ඇගේ දෑස්  බස් රථයේ එහා මෙහා ගමන් කළේ කවුළුවක් අසල ඇති ආසනයක් සොයමිනි. නමුත් කවුළු ආසන්නයේ තිබූ ආසන සියල්ල ම පිරී තිබුණෙන් තමාට ලැබූ අසුනින් සෑහීමට පත් වන්නට සිදු විය.

ටිකට් පත ගත් පසු බස් රථය සෙමෙන් ඉදිරියට ඇදෙන්නට විය. උදෑසන සිට අධිකව වෙහෙසට පත්ව සිටි තාරකාට දැනුණේ අධික තෙහෙට්ටුව කි. ඇය අලුත් ඇස් කණ්ණාඩිය පැනල් කැබැල්ලෙන් මනාව පිස දමා එහි ආවරණයට දමා අත් බෑගයට දමා ගත්තා ය. තෙහෙට්ටුව නිසා දෑස් පියවෙද්දී කණ්ණාඩිය බිම වැටෙතැයි තාරකා බිය වූවා ය.


තාරකා ඇඳුම් බෑගය උකුල මත තබා ඒ මත හිස තබා නිදන්නට වූවා ය. බස් රථය වේගයෙන් ඉදිරියට ඇදෙන්නට විය. පැය කිහිපයකට පසු තාරකා නින්දෙන් අවධි වූයේ බස් එථය එක් වර ම තදින් තිරිංග තද කළ විට ය. තාරකා දෙනෙත් හැර වටපිට බැලුවා ය.

“ බල්ලෙක් බස් එකට හැප්පෙන්න ගියා“ සෙනග අතරින් කෙනෙක් කියනු ඇසිණ.

තාරකා තමා දැන් සිටින්නේ කුමන නගරයේ දැයි දැන ගැනීමට වට පිට බැලුවා ය. කුඩා අකුරුවලින් සටහන්ව තිබූ නාම පුවරු ඇයට කියවා ගත නොහැකි විය. ඇය කණ්ණාඩිය දෑසෙහි රඳවා යළිත් නාම පුවරු කියෙව්වා ය. බස්  රථය වරකාපොළ නගරය ට සේන්දු වෙමින් තිබුණි. බස් රථය අතුරු සිදුරු නැතිව පිරී ගොසිනි. වරකාපෙළ බස් නැවතුමේ බස් රථය නැවැත් විය.

“ ආ... වරකාපොළ බහින්න, වරකපොළ ටිකට් ඔක්කොම මෙතනින් බැහැ ගන්න“ බස් කොන්දොස්තරවරයා මහ හඬින් කෑ ගසයි.

තාරකාගේ ්සුනට පිටුපසින් හිඳ සිටි කාන්තාවක් වහා නැගිට බස් රථයේ ඉදිරියට ඇදෙන්නට වූයේ කලබලයෙනි. ඇගේ නොසැලකිල්ල නිසා තාරකාගේ කණ්ණාඩිය ඇගේ අත්බෑගයේ පැටලී වීසි විය. තාරකා කණ්ණාඩිය සොයද්දී දුටුවේ ඉහත කී කාන්තාවගේම අඩි උස් පාවහන් යුවලට පෑගී කුඩු විය.

අනේ ! මගේ අලුත් කණ්ණාඩිය! කියමින් තාරකා තම කණ්ණාඩිය පෑගූ කාන්තාවගේ ඔසරි පොටින් අදින්නට වූවා ය. කලබල වූ කාන්තාව තාරකා දෙසට හැරිණි.

‘‘ ඇයි මොකද?“ කාන්තාව විමසුවේ සැර පරුෂ හඬකිනි.

“ මේ ඔයා මගේ කණ්ණාඩිය පෑගුවා“ තාරකා කීවේ බොඳ වී ගිය හඬකිනි.

“ ආහ්! මේ.... මේ ඔ..ඔයා කණ්ණාඩිය මොකට ද බිම තියලා තිබ්බේ?

“ කණ්ණාඩිය බිම තිබ්බෙ නෑ, ඔයා හදිස්සියේ නැගිටලා යනකොට මගේ කණ්ණාඩිය ඔයාගේ බෑග් එකේ පැටලුණා. ඒක ඔයාට ම පෑගුණා.“ තාරකා පැහැදිලි කලේ ආයාසයෙනි. ඇගේ දෙනෙතට කඳුළු උනමින් තිබිණ.

“ ඔහ් ! මට සමාවෙන්න! මට පරක්කු වෙනවා “ කියමින් කාන්තාව බසයෙන් බැස ගියාය.

“ තාරකාගේ දෙනෙතින් නොකඩවා කඳුළු ධාරා ඇද හැලෙන්නට විය.

ඇය කඳුළු වැකි මුහුණ ඇඳුම් මල්ල මත තබා ගත්තාය.

“ කණ්ණාඩි පොළඟා“, කණ්ණාඩි අක්කා.... සේවා ස්ථානයේ මිතුරන් යළිත් උසුළු විසුළු කරනු ඇයට ඇසෙන්නට විය.ඇය දෑතින් ම දෙකන් වසා ගත්තා ය.

අපේ කදුළු මගේ විතර ද ස්වාමිනේ


Wednesday, February 21, 2018

කුස පිපුණි බිම්මලක්
රැක ගන්න  වරම් නැති
කුස පිපුණි බිම්මලක්
දැක ගන්න වරම් නැති...

උර මතින් ගෙන රැකියාව
දරා සිත මහ මෙරක්
යනෙන විට  තෙරපී බස් රථ වල
බිදෙන්නැති සියුම්  පෙති
පුංචි බිම්මලේ...

මව් පියන් අතැර ගිය
විහග පැටවෙකුගෙ මුව
තබන්නට හසරැලි
හනි හනික දුවන විට
මියෙන්නැති හදවත....

කුස සොහොන මත වැතිර
මිය ගිය විටෙක නුඹ
වැටුණු කදුලැලි ගෙන
සැදුවා ගගක් අප දෙදෙන....

පිපී ඇත තව මලක්
මගේ කුස යහනත
නොදන්නෙමි බිම්මලක් වෙද
නොදැකම මිලින වන......

පෙර නොවූ විරූ ලෙස
රකින්නට ඇතත් සිත
මහමෙර ඇත
තවමත් හිස මත...

තබන්නට ඔබ මුව
සිනා මල්පෙති
සදන්නට යහපත නුඹට
රැකියාව හැර කිසිත්
නොමැත දිවි රකින්නට ...

විහග පැටවුණගෙ
කදුලු පිසලන පිනින්
අනේ නුඹ රැකියන්
බිම්මලක් නොවී යළිත් ...


Friday, January 26, 2018

පෙර අප අතර තිබූ සෙනෙහස කොහෙ ද?

ඔබ ඈත සඳ වී පායා
මම මෑත තරුවක පිපිලා
මේ නිහඬ රැයේ ලොව නිදනා
මා ඔබ මා
ළඟ හිඳිනා

අප දුරින් දුරක හිඳ තනි වේ
නෙත්සරින් පමණි හමු වූයේ
ඒත් ඈත් බවෙහි හද බැඳුණේ
සෙනෙහසේ සොඳුරු බව රැඳුණේ

මධු සඳ යට අපි හමු වීලා
සිටිය ද ඔබ මා ළං වීලා
ඒ දුරක එදා අප පිපිලා
තිබූ සෙනේ සොඳුරු බව සිඳිලා

ගේය පද - ජයලත් මනෝරත්න
සංගීතය හා තනුව - එච්.එම් ජයවර්ධන
ගායනය - බණ්ඩාර අතාවුද

ප්ම‍රේමය තරම් මිනිසා ආශක්ත වන ආස්වාදය කරන කිසිවක් මෙලෝව නැත. විප්ර;යෝගය දැඩි ළසොවක් වන්නේ ද මේ නිසායම ය.ප්රේ්මය කෙතරම් රසඳුනක් වුව ද එය ද අපූර්ව දෙයක් ලෙස හැඟෙනුයේ හිමි කරගෙන ස්වල්ප කාලයක් ගත වන තුරු පමණි.
නෙතින් නෙත මුණ ගැසෙමින් වදනකුදු නොදොඩමින් වුව ද පෙර දා අපූර්ව වින්දනයක් ලැබිණ.වැඩිහිටියන්ගේ දෑස් වලට මුවා වෙමින් කළ ප්රේෙමය සැබවින් ම විචිත්රිය. එකිනෙකා හමුවීම ඉතා අපහසු කටයුත්තක් නිසා අපහසුවෙන් හමු වන එක මොහොතක් වුව මිල කළ නොහැකි අවස්ථාවක් ලෙස එකල පෙම්වතුන් සිතති. මේ නිසා ම ප්ම‍රේමය ද අපූර්ව අනර්ඝ දෙයකැයි ඔවුහු සිතති.
මිනිසා යනු කාම භොගී සත්ත්වයෙකි යි බුදු රජාණන් වහන්සේ වරෙක දේශනා කර ඇත.එනම් මිනිසා ජීව අජීව වස්තු කෙරෙහි බැඳී සිටියි.නොනැවතෙන තරගයක යෙදී සිටින මිනිසා නිරන්තරයෙන් උත්සාහ ගන්නේ භෞතික අභෞතික වස්තූන් තමා සතු කර ගැනීමටයි.කොතෙක් මිල මුදල් යාන වාහන උපයා ගත්ත ද ඉන් සෑහීමට පත්වන්නට මිනිසා ට නොහැකි වී ඇත
මෙලෙස සෑහීමට පත් නොවීම එක් පසෙකින් සමාජයේ දියුණුවට ද හේතු වී ඇත. විවිධාකාරයේ නව නිර්මාණ බිහි වී ඇත්තේ මේ නිසා ය.මිනිසාට පහසුකම් සපයන යන්ත්‍ර සූත්‍ර මේ නිසා බිහි වී ඇත. ඒ නිසා ම මිනිසාගේ අපේක්ෂිත ආයු කාලය දවැඩි වී ඇත. එහෙත් එයිනුත් තෘප්ත නොවූ මිනිසා පෘථිවිය පමණක් නොව අඟහරු ලොවෙහි ද මිනිස් ජනාවාස සෑදීමට පෙළඹී ඇත.ඔවුහු මෙයින් ද තෘප්ත නොවෙති.
බොහෝ විට තමන් ප්‍රිය කරන ජිව අජීව වස්තූන් කෙරෙහි දැඩිව ආශක්ත වන මිනිසා, අදාල දෙය තමා සතු කරගත් පසු ඊට දක්වන ඇල්ම අඩු වී යයි. තමා සතු කර ගන්නා දෙයෙහි වටිනාකම රැඳෙන්නේ එහි නැවුම් බව තිබෙන තෙක් පමණි.
ඔබේ රතු මල් එක්ක දිග ගවුම හැඳ එන්න
එලෙස දැක ගන්න ඔබ මහ ද ඉවසුම් නොමැත

සම වුවත් ඔබ නිබඳ
මග තොටෙහි අතර මග
පෙර පැවති උණුසුමෙන්
නුපුබුදියි මගේ සිත

අනඟි රන් පාවහන්න
වැඩ දැමූ කෙස් වැටිය
මිහිරි කන් කළු තෙපුල්
සිනා ආදර සුසුම්
පිරී නොඅඩුව ඇති දු

පෙර විලස සිත මගේ
නො නැග එනු උණුසුමෙන්
කුමක් වී දැයි කියා
මට ම විසඳිය නොහැකි “යනුවෙන් ගුණදාස අමරසේකරයන් ප්‍රකාශ කරන්නේ ද මෙවන්ම අත්දැකීමකි.
ලොව ඕනෑම ජීව අජීව වස්තුවක වටිනාකම රැඳි පවතින්නේ එය හිමි කරගන්තා තෙක් පමණි“ යනුවෙන් කියමනක් ජනයා අතර ඇත. තමා හිමි කරගත් තරුණිය හෝ තරුණයා නීතිමය බැඳීම නිසා තවත් පුද්ගලයෙකු වෙත නොයන බවට ඇති විශ්වාසය එක් හේතුවකි.දරුවන් ලබා වගකීම්, විය පැහැදම් වැඩි වන විට පෙර කී සෞන්දර්ය කෙරෙහි සිත යොදවන්නට ද ඔවුන්ට ඉඩ හසරක් නොලැබේ.එමෙන්ම එකි නෙකාගේ අඩු පාඩු නොගැලපීම් සියල්ල ද පසක් වන්නේ එක්ව ජීවත් විමේ දීය.මේ සියලු හේතූන් නිසා ප්රේොමයේ සේන්දර්ය කෙමෙන් වියැකී යයි. කෙමෙන් වියපත් භාවයට පත් වන විට රූසිරියත් ගත සවියත් වියැකෙයි. ලෝකයේ අනිත්‍ය ස්වභාවය ද පසක් වෙයි. එවිට ප්‍රේමය යනු හදු මානව සබඳතාවක් ලෙස පමණක් යැයි හැඟෙයි.
ගීතයට පසු බිම් වන පෙම් යුවලට ද මේ හේතූන් අතරින් එකක් හෝ කීපයක් බලපාන්නට ඇත. ඔවුන්ට ප්රේටමය පෙර මෙන් සොඳුරු බව නොහැඟෙයි. එහෙත් අතීත ප්රේ ම සැමරුම් වෙත පියනගන්නට ත් එහි අපූර්වත්වය විඳින්නටත් ඔවුන් කැමති ය. එහෙත් අතීතයට යෑමෙන් සිදුවන්නේ වර්තමානය සන්සන්දනය කරමින් වේදනාවට පත්වීමය. මේ සෑම සිදුවීමක්ම අප යළිත් නැඹුරු කරවන්නේ බුදු දහමේ හරයන් වෙතට ය. එනම් ලොව පවත්නා සියලු දෙය අනිත්යම සහ දුක් සහිත බව ය.
ප්රේ මය වැනි අනුභූතීන් තුළින් ද ජීවන යථාර්ථයන් අපට ඉස්මතු වී පෙනෙයි. ආනන්දනීය කලා කෘතීන් තුළින් විහිදෙන ප්රනඥාලෝකය ලබා ගැනීමට නම් ශ්රා්වකයා තුළ ද පැසුණු බුද්ධියක් සහ රසවින්දන හැකියාවක් තිබිය යුතුය. ඕනෑම කලා කෘතියක, එහි නිර්මාපකයගේ අරමුණ සාක්ෂාත් වන්නේ ශ්රායවකයන් ප්රේ.ක්ෂකයන් එම නිර්මාණය ග්ර හණය කරගන්නා ආකාරය අනුව ය. ජයලත් මනෝරත්නයන්, එච්. එම්. ජයවර්ධනයනයන් සහ බණ්ඩාර අතාවුද එක්ව නිමවන මේ සොඳුරු ගීතය හුදු සුලභ ප්රේවම ගීතයක් පමණකැයි බොහෝ ශ්රා.වකයන්ට ග්ර හණය වුව ද එතුළ සැඟව ඇති ජීවන සත්තාව එහි ගැඹුරට සිය සිත මෙහෙයවන්නකුට දැනෙයි. අරුත් සුන් යයි අප සිතන අපේ ජීවිතය තුළ අප මෙතෙක් සොයා නොගත් ජීවන අරුත් සිය දහසක් ඇති බවට මේ ගීතය කදිම නිදසුනකි.

---- චාමිකා ජනානි ද සිල්වා --- රංගිරි ශ්‍රී ලංකා පුවත්පත -------

ගීතය පහතින් අසන්න

Tuesday, December 19, 2017

මායා, වන්ෂොට් සහ මෙරි කොම් හා අපේ යෞවනයන් ---


සෑම රන් පදක්කමක්ම පිටුපස අසීමිත කැපවීම, නොපසුබස්නා වීර්ය, තම අරමුණම කෙරෙහි ඒකාග්‍රතාව පවත්වා ගැනීම, අසීමිත බාධක ආදිය කැටි වූ අපූර්ව ජීවන වෘතාන්තයක් ඇත. “මෙරි කොම්“ යනු ඉන්දියාවට බොක්සිං රන් පදක්කමක් දිනා දුන් කාන්තාවක ගේ සත්‍යකතාවයි.
සංජය ලීලා බන්සාලි ගේ චිත්‍රපටයේ මෙරි කොම් ලෙස රඟපාන්නේ ප්‍රියංකා චොප්රාය.
හැම විටම මා අසන පැනය මෙයයි. ඇයි මෙලෙස දක්ෂතාවන් දක්වන්නන් ලාංකිකයන් අතරින් බිහි නොවන්නේ? එයට හේතුව මෙවන් චිත්‍රපට කිසිදා ලංකාවේ බිහි නොවන නිසාය. දෙස් විදෙස් පතල කීර්තියක් ලබා ගත් ක්‍රීඩකයින් කොපමණ අප රට සිටී ද? ඒ කිසිවකුත් පිළිබඳ මෙවන් සිනමා පටයක් බිහි වී නොමැත. සුසන්තිකා අපට සිටින එකම ඔලිම්පික් ක්‍රීඩා තරුවයි. ඇයගේ පෞද්ගලික ජීවිතය පිළිබඳ විමසනු මිස ඒවායේ කුණු රස ප්‍රචාරය කරනු මිස ඇය ඔලිම්පික් පදක්කමක් දක්වා පැමිණි මාවත ගැන සොයා බලන්නෙක් වේද? ඇගේ අසීමිත කැපවීම කැටිවුණු ඈ ඔලිම්පික් පදක්කමක් දක්වා ආ මාවත ගැන මෙවන් චිත්‍රපටයක් බිහි නොවන්නේ ඇයි? අපගේ අති දක්ෂ ක්‍රිකට් ක්‍රීඩකයන් පැමිණි මාවත ගැන චිත්‍රපටයක් බිහි නොවන්නේ ඇයි? අප මේ සියලු වටිනාකම් හැර දමා ඉන්දීය චිත්‍රපට වල හෙවනැලි මෙරට ප්‍රතිරූපනය කරමු. ඉන්දියාවේ බොළඳ කතා පුවත් පමණක් ආදර්ශයට ගනිමු.
ඉන්දියාවේ හා ලංකාවේ බොළඳ චිත්‍රපට, ටෙලිනාට්‍ය බලන යෞවන ළමයින් ඉක්මනින්ම ප්‍රේමවන්තයකු ප්‍රේමවන්තියක වන්නට ප්‍රාර්ථනා කරනු මිස සුවිශේෂී චරිතයක් වන්නට සිහිනෙනුදු සිතන්නේ නැත. ඔවුහු සිය දක්ෂතාවන් සදහටම වළලා දමා අඩු වයසින් මවක් පියෙක් වී ජීවිතය අඳුරට හෙලා ගනිති.
මා සිතන්නේ අප රටේ මෙවන් චිත්‍රපට නිපදවන්නේ නැත්නම් මෙවන් සුවිශේෂී චරිත සහිත කතා පුවත් කියා දී අපගේ දරුවන් දිරි ගැන්විය යුතුය. එවිට පෙම්වතිය, පෙම්වතා අහිමි වීම නිසා සිය දිවි නසා ගන්නා හීන දීන පෞරුෂ හෝ අරමුණක් අනුව ජීවිතය ගොඩනගා ගනු ඇති. සුවිශේෂී චරිත අප රටෙහි වැඩි වැඩියෙන් බිහිවනු ඇත.

Monday, September 4, 2017

අපෙ ගමේ සුවඳ එකතු කරන් වරෙන් යාළුවේ

පුර හඳත් එක්ක ඇවිත් යන්න
ඉඳහිට හෝ මේ සිදාදියේ
අපෙ ගමේ සුවඳ එකතු කරන් වරෙන් යාළුවේ.........
රෑ පානේ මුතු බේරෙන
මුතු ගානේ බැත මෝරන
නොනිදා හිනැහෙන කමතක් වාගේ
මැඩුවන් සුවඳත් තුරුළු කරන් වරෙන් යාළුවේ....
අරලිය මල් සිල් සුවඳට
නැලවෙන බෝ පත තාලෙට
රෑ නලියන වැව් කණ්ඩිය වාගේ
පන්සලෙන් සාදු හඬත් අරන් වරෙන් යාළුවේ....
ගේය පද - රත්න කේ .ප්‍රේමසිරි
තනුව හා සංගීතය - එච්.එම් ජයවර්ධන
ගායනය - කරුණාරත්න දිවුල්ගනේ
සඳේ සෞන්දර්ය සැබැවින්ම විඳගත හැක්කේ නගරයේ දී ද ? නැතිනම් ගමේ දී ද මම ඔබෙන්අසන්නෙමි .ගමටත් නගරයටත් වෙනසක් නො දක්වා සඳ පායයි .එහෙත් නගරයේ නගරයේ දුවිල්ලෙන් කර්ණ කඨෝර වූ විවිධ හඬවල් ද සිතත් ගතත් වෙහෙසට පත් කරයි .අවිවේකී දිවා කාලයක් නිමකර නිවසට හෝ නවාතැනට පැමිණෙන අප සොයන්නේ නිදි සුවය යි .නගරයේ විසල් ගොඩනැගිලි වලට ඉහලින් සඳවතිය සුපුරුදු ලෙස හිනැහුනත් ඒ අසිරිය දකින්නට විඳින්නට අවිවේකී නාගරික දිවිය අපට ඉඩ හසර ලබා නොදෙයි නො දෙයි .සඳ එළිය පමණක් නොවේ නාගරික ජීවිතය විසින් ජීවිතයේ තවත් බොහෝ දේ වින්දනය කරන්න ට ඉඩක් ලබා නොදෙයි .වින්දනය කල යුතු දෑ වින්දනය නොකිරීමෙන් අපි ජීවිතය විඳවන්නේ බවට පත්ව තිබේ .නගරයේ ඉපිද නගරයේ ම දිවි ගෙවෙන ඇතැමුන්ට සමන්විත වන්නෙකුට තමන් විඳවන්නෙකු බවට පත්වී ඇති බව නොහැඟෙන්නේ ඔවුන්ට නාගරික පරිසරය සාමාන්‍යකරණය වී ඇති නිසා ය .
ගමේ වෙල් එළියේ වෑ දියේ බඩවැටියේ සුන්දරත්වය නිදහස් වේ වින්දනය කළ පුද්ගලයකුට නගරය ත් එහි ජීවිතයත් දැනෙනුයේ සිරගත ජීවිතයක් ලෙසිනි .එහෙත් ඒ නිසාම නගරයේ හැරදා යන්නට ඔහුට නොහැකි ය .රැකියාවක් දරුවන්ගේ අධ්‍යාපන කටයුතුත් නිසා අකමැත්තෙන් වුවද නගරයේ සිරගත වන්නට ඔහුට සිදුවෙයි .මඳක් හෝ ඉසිඹුවක් ලැබෙන නිමේෂයේදී ඔහු සිත වැව් තාවුල්ලට පන්දිසලට වෙල්වයායට දිව යන්නේ අසුරු සැනිනි .
ගමේ ඉපිද නගරයට සංක්‍රමණය වී නගරයේ සිරගත වූවෙකුට ගමේ මිත්‍රයෙකු හෝ ඥාතියකු හමුවීම ප්‍රහර්ෂය දනවන්නකි .තම මිතුරා “ පුරා හඳක“ අසිරිය ගන්වන්නෙක් බව පද රචකයා රූපණය කරන්නේ ඒ තුළින් සහාදත්වය උතුරා යන නිසාම ය.
නගරයේ කුණු කාණු වලින් නැගෙන දුර්ගන්ධය පහ කරන්නට සුවඳ විලවුන් ගැල්වුවත් අවට පරිසරයට සුවඳ දියර ඉසුවත් පලක් නැත .ස්වල්ප මොහොතකින් කසල වල දුර්ගන්ධය යළිත් මතුවෙයි. ගමේ වෑ දියේ වෙල් එළියේ පන්සලේ සුවඳ කැටි කරගත් සැනසුම සුවය සදන ජීවිතය මොහුට සිහිනයක් පමණි. ගමේ සුවඳ, සහෘදත්වය රැගෙන කිසිවෙකු හෝ පැමිණෙන්නේ නම් කෙතරම් අපූරු ද?
ගීතයේ වාච්‍යාර්ථය මතුපිටින් මෙලෙස විග්‍රහ කළ ද එහි ව්‍යාගාර්ථය තුළ ගැඹුරු අරුතක් ධ්වනිත කරයි. මුදල් මත යැපෙන නාගරිකයන්ගේ ජීවිතය අතිශය කටුක ය. මේ නිසාම තම යහගුණ පවා උකසට තබා මුදලට විකිණෙන්නට නාගරිකයන්ට සිදුව තිබේ. ඔවුන්ගේ මේ සංකීර්ණ දිවි පෙවෙත නිසා ඔවුන් සතු යහපත් සමාජ ආචාර ධර්මයන් ඔවුන් වෙතින් වියැකී ගොසිනි. එහෙත් සරළ ගැමි සමාජය තුළ තවමත් යහගුණදම් ආචාර ධර්ම රැඳී පවතී. ගීතයේ “ පුර හඳ“ තුළින් නිරූපණය වන්නේ අවංක සුහදශීලී , නිර්ව්‍යාජ සමීප සම්බන්ධතා වලින් යුතු ගැමි සමාජයක අනුරුවයි.
කාල් මාර්ක්ස් සිය පරාරෝපන න්‍යායෙන් පෙන්වා දෙන්නේ නාගරික කාර්මික සමාජය තුළ පුද්ගලයා තමා තමාගෙන් ද සමාජයෙන් ද පවුලෙන් ද පරාරෝපණය හෙවත් හුදෙකලාවීමත් යාන්ත්‍රික ඒකාබද්ධ සමාජයක් ගොඩ නැගෙන විට සදාචාර පර්යාව බිඳ වැටී ධර්මතාව පිරිහෙන සමාජයක් ගොඩ නැගෙන බවයි.
ආයාසකර සබඳතාවලින් ගහන සාමූහික බැඳීම් නැති සහ සදාචාර ධර්ම ගිලිහුණු සමාජයක අසීරුවෙන් අසීරුවෙන් පය ගසා සිටින පුද්ගලයෙකුට තම ගැමි මිතුරා “ පුරා හඳක්“ සේ පෙනෙයි. “ ගමේ සුවඳ “ යනු යහගුණ ධර්මයන් ය. ගමේ යහගුණ සහ අව්‍යාජ මිත්‍රත්වයෙන් පුරා හඳ සේ නාගරික මිතුරාගේ අඳුරු ලොව ගැමි මිතුරාගේ පැමිණීමෙන් එළිය වෙයි.
අස්වනු නෙලීමෙන් පසු කමතේ ගොඩ ගැහෙන්නේ ගොවියන්ගේ වෙහෙස මහන්සියේ ප්‍රතිඵලයයි. “ රෑ පානේ මුතු බේරෙන - මුතු ගානේ බැත මෝරන “ යන්නෙන් දහඩියත් මහත් වූ කැපවීමත් ඒ වෙහෙසේ ප්‍රතිඵලය ලෙසටම ලැබෙන අස්වැන්නත් පිළිබඳ සඳහන් කරයි. නාගරික මිතුරාට තම ගැමි මිතුරා පෙනෙන්නේ “ නොනිදා හිනැහෙන කමතක් “ ලෙසිනි.කමත තුළ ඇත්තේ සාමුහිකත්වය, සහෘදත්වය හා කැපවීමයි. ගමේ මිතුරා නොනිදා හිනහෙන කමතක් සේම තම මිතුරාට සැනසුම ගෙන එයි. එමෙන්ම බොහෝ කලකින් හමුවන මිතුරන් දෙදෙනාට නොනිදා රැය පහන් කරන්නට තරම් තොරතුරු හුවමාරු කරන්නට ද තිබේ. ඒ තොරතුරු අතර ගමේ වෙලේ කමතේ මැඩුවන් සුවඳ එනම් අව්‍යාජත්වය පිරුණු බොහෝ සුන්දර දෑ තිබෙනු ඇත.
අරලිය මල් සුවඳ කැටිවුණු සිල් සුවඳත් , නැලවෙන බෝ පත් වල සිසිලසත්, සාදු! සාදු! හඬත් සිතට දනවන්නේ ආධ්‍යාත්මික සුවයකි. වෑ කණ්ඩිය රාත්‍රියට නලියන බවක් පද රචනයා පවසයි. වෑ කණ්ඩිය පෝදා රාත්‍රියට නලියන්නේ කෙසේ ද? වෙනදා නිහඬ බව උසුලන වෑ කණ්ඩිය පෝදා රාත්‍රියට පණ ලබයි. සුදෝ සුදු වතින් සැරසුණු ගැහැණුන්, පිරිමින් සහ ළමා ළපටියන්ගේ හඬින් වෑ කණ්ඩිය පිරෙයි. වැවෙන් එතෙර පන්සල වෙත ඇදෙන ජනයාගෙන් සහ ඔවුන්ගේ සෙවණැලි වලින් වෑ කණ්ඩිය නලියයි.එමෙන්ම සඳ එළිය වැටුණු බෝපත් වල සිලි සිලියත් එහි සෙවණැල්ලත් වෑ කණ්ඩියට වැටේ. පෝදා රාත්‍රියට නලියන වෑ කණ්ඩිය ගැමියාගේ සරළ දිවි පෙවෙතත් ලොකෝත්තර සුවය සොයා යන ගමනත් පිළිබිඹු වෙයි.
ගේය පද රචක රත්න කේ. ප්‍රේමසිරිගේ පද සංකල්පනාවට අනුභූතිය වන්නේ අලුත් සහල් මල්ලක් රැගෙන තමා හමුවට පැමිණි සහාෘද ගැමියෙකුගේ හමුවයි. ගේය පද රචනාව තුළ ව්‍යංගාර්ථවත් බස්වහරක් යොදා ගෙන ඇත.පද රචකයා සිය පුද්ගලානුභුතිය ගමේ උපන් නගරයේ සිරගතවන්නට සිදුවුණු මිනිසුන්ගේ පොදු අනුභූතියක් බවට පෙරළා සුගේය පද වැලකට මුසුකරයි. එය ග්‍රාමීය නාගරික බේදයකින් තොරව සියලු සහෘදයන්ගේ හදවත් සංවේදීව ස්පර්ශ කරයි.
කරුණාරත්න දිවුල්ගනේගේ හඬින් නිරුත්සාහයෙන් මතුවන්නේ ගැමි අව්‍යාජත්වය පිරිපුන් හඬකි. එනිසාම මේ ගීතය අප ගමේ සුවඳ වෙත රැගෙන යයි.එච්.එම්.ජයවර්ධන නම් ප්‍රතිභාපූර්ණ සංගීතඥයාගේ තනුවෙන් හා සංගීතයෙන් ගීතය වඩාත් රසවත් වෙයි.
------------------------------------------------------------------------------------------------------------------------------------
මේ ගීත රසාස්වාද ලිපි විද්වතුන් වෙනුවෙන් නොවේ, ගීතය රසවිඳින්ට මූලික අවබෝධයක් ලබා නොමැති හෝ ගීතයක් රසවිඳින්ට අවධානය නොකරන අයට ගීතය රසය විඳින්නට මඟ පෙන්වීමක් පමණි.
--- චාමිකා ජනානි----

Song Title: Pura Handak Ekka Awith Yanna.mp3, Artist: Karunarathna Divulgane, File Format: mp3, Mp3 File Size: 3.21 MB, Bit Rate: 128 kbps, Sampling Rate: 44100 Hz, Duration: 03:20, Quality: High, Music: New Music Combination, 1. Play This Song, 2. Download This Song...
TOPSINHALAMP3.COM

Wednesday, August 9, 2017

--- ආදරයට බ්‍රේක් නැත -----


ආදරය යන වචනය අපට මුලින්ම ඇසෙන්නේ අපේ දෙමව්පියන් වෙතිනි. අම්මා දස මසක් කුස දරාගෙන සිට අප මෙලොවට බිහි කරන්නේ මහත් සෙනෙහසිනි. ඉන් පසු කිරි දී අප පෝෂණය කරන්නේ ත් සිය දෙනෙත මෙන් ආරක්ෂා කරන්නේත් දරුවා කෙරෙහි පවතින අසීමිත ආදරය නිසාය. පියා සිය ගත වීරිය වැය කරමින් වෙහෙස වී තම දරුවන් අහරින් පෝෂණය කරන්නේත් ආරක්ෂාව ලබා දෙන්නෙත් අපරිමිත ආදරය නිසාමය.
නිවසෙන් පසුව පාසලට යන ළමයාට පාසලේ ගුරුවරුන්ගෙන් ද සම වයස් මිතුරු මිතුරියන්ගේ ද ආදරය ලැබේ. මව් පියන්ට අමතරව නෑදෑයන්ගෙන් හා අනෙකුත් වැඩිහිටියන්ගෙන් ද අපට ආදරය ලැබේ.
අප වයසින් වැඩී යෞවන අවධියට පත් වන විට ඔබ සොයන්නේ තම විරුද්ධ පාර්ශවයේ ආදරයයි. අපගේ සිරුරේ සිදු වන හෝමෝනමය වෙනස්කම් නිසා යොවුන් වියේ දී විරුද්ධ පාර්ශවයේ ආකාර්ශනයත් ආදරයත් අවශ්යෝ දෙයක් ලෙස හැඟේ. “ ආදරයට බ්රේක් නෑ යන කිමන සමාජ ගත වී තිබෙන්නේ මේ තරුණ අවධියේ ප්රේ‍මය ඇසුරිනි.
යෞවන ආදරය නැතිනම් ප්රේ‍මය යනු සැබවින්ම සොඳුරු අත්දැකීමකි. ප්රේකමයක් සිතෙහි ඇති වූ විට මෙතෙක් අසුන්දර ලෙස පෙනුණ ලෝකය සුන්දර යැයි හැඟේ. අරුත් සුන් වුණු ජීවිතයට අරුතක් ද නැවුම් බලාපොරොත්තුවක් ද ඇති වෙයි.
නන්දා මාලිනිය ගයන මේ සොඳුරු ගීතය මතකයට නගා ගන්න.
“ යොවුන් වසන්තයේ දුහුල් වලාකුළේ
රෑන් මුදා ගෙන පාවී යනු මැන ඉගිල්ලිලා
දිලිසෙන කඳුලේ කිරණික් නෑවී
සිඟිති ආදර දූපතක තනි වී
ගංඟාවක් සේ ගලා බසිනු මැන
නිරන්තරේ සිනා සිසී.....
ප්‍රේමය මය සැබවින්ම සොඳුරු දෙයක් වුව ත් එය නිවැරදිව වටහා නොගැනීමත් වංක පුද්ගලයන් නිසාත් අසුන්දර වූ අවස්ථා බොහොමයක් ඇත.
ප්රේපමය අප වටහා ගන්නේ විවිධ වයස් මට්ටම් වලදී විවිධ ආකාරයෙනි.
• වයස අවු 13 සිට වයස අවු 18 - දක්වා බොහෝ දෙනෙක් තමන්ට හමු වන ඕනෑම පුද්ගලයෙකු හා ප්රේ්ම සම්බන්ධතා අරඹයි.
• වයස අවු 18 සිට 20 දක්වා කාලයේ දී විශේෂ කෙනෙකු සමඟ ප්‍රේම සම්බන්ධතා අරඹයි.
• වයස අවු 20 න් පසු විවාහය සඳහා සුදුසු කෙනෙක් තෝරා ගනියි.
පාසල් වියේ දී ඔබට ප්‍රේම සම්බන්ධතා ආරම්භ කිරිමටත් එය පවත්වා ගැනීමටත් අවශ්යස වැටහීම නැත. එනිසා සිදු වන්නේ ඔබට හමු වන ඕනෑම අයෙකු හා ප්රේභම සම්බන්ධතාවක් ආරම්භ කිරීම ය. එවිට ඔබ එලෙස ආදරය කරන පුද්ගලයා ගේ සැබෑ නම, වයස, රැකියාව, දෙමාපියන් මෙන්ම ඔවුන්ගේ ගති ගුණ පිළිබඳ කිසිදු විමසීමක් නැතිව ආදරයෙන් බැඳේ. ආදරයේ දී කරන වර්ණනාවන් ආදරනීය කතා බහ වලට රැවටෙන තරුණියෝ ප්රේ මයත් රාගයත් එකක් යැයි සිතමින් සිය සියලු වටිනාකම් ආදරවන්තයාට පුදකරයි.
අප රටේ නීතියට අනුව විවාහ වීමට වයස අවු 18 සම්පූර්ණ විය යුතුය. වයස අවු 13 – 18 අතර වන කාලයේ දී ඇතැම් ගැහැණු ළමයින් නීත්යඅනුකූල නොවන විවාහයට ඇතුළත් වේ. එවිට සිදුවන්නේ එම විවාහයෙන් ඇති වන දරුවන්ට නීත්යාතනුකූල පියෙකු නොමැති වීමයි. නීත්යවනානුකූල බැඳීමක් නොමැති නිසා පිරිමි පුද්ගලයා එම විවාහය අතහැර දමා යයි. එයින් සිදුවන්නේ ළමයින් මෙන්ම ළමා මවක ද අසරණ වීමයි. එමෙන්ම සෞඛ්ය අංශ පවසන්නේ දරුවකු ලැබිමට නම් ගැහැණු ළමයෙකුට වයස අවු 21 සම්පූර්ණ විය යුතු බවයි. එසේ නොමැති විට නොමේරූ ගර්භාෂය නිසා දරුවාත් ළමා මවත් මිය යෑමේ ප්රසවණතාව වැඩිය. නැති නම් මළ දරු උපත් හෝ නොමේරූ දරුවන් ඉපදිය හැකිය.
තමාට හමුවූ පළමුව ආදරය ප්රඩකාශය කළ පුද්ගලයා ලොව සුන්දරම වටිනාම පුද්ගලයා බව තීරණය කර ඔහු හා නීත්යළනුකූල නොවන අඩු වයස් විවාහයකට එලඹීමෙන් පසුව එම පුද්ගලයාගේ සැබෑ ස්වරූපය හෙළිවෙයි. එම පුද්ගලයා නිතර මත් පැන් පානය කරන, නිතර අඩ දබර වන, නිතර පහර දෙන පුද්ගලයෙකු වූ විට විවාහ ජිවිතය ඉතා නීරස වෙයි. අධ්යා පන කටයුතු නිසි ලෙස සම්පූර්ණ නොකිරීම නිසා රැකියාවක් සහ ආර්ථික ශක්තියක් නැතිව දිවි ගෙවන ඇයට සදා කල්හිම පීඩාකාරී ජීවිතයක් ගෙවන්නට සිදුවෙයි. එනිසා ජීවිතේ පසු තැවෙන කිසිවක් නොකරන්නට ඔබ සිතට ගන්න.
සැබෑ ආදරයක් සොයා ගන්නට ඔබ ඉක්මන් නොවිය යුත්තේ මේ නිසාය.
“ ආදරයට බ්‍රේක් නැති වුවත්, “ ජීවිතේට රිවස් නැති බව, හොඳින් මතක තබා ගන්න.
පාසල් සමය යනු ජීවිතේ අමරණීය මතක සටහන් රැගත් සොඳුරු සමයකි. එය තවත් සොඳුරු වන්නේ ඔබ හොඳින් තම අධ්යාතපන කටයුතු නිමකිරීමෙනි. ගුරුවරුන් උගන්වන දේ ඉතා හොඳින් ඉගෙන ගනිමින් පොත් පත් කියවමින් දැනුම ලබා ගනිමින් යහ ගුණ දම් වර්ධනය කරගනිමින් පැලෑටියක් සේ ඔබ වැඩෙන්න. පාසල තුළින් ලබා ගන්නා ශකතිමත් පදනම නිසා ඔබට ඔබගේ ජීවිතය ජය ගන්නට හැකි වනු ඇත.
හොර රහසේ අඩු වයසින් නීත්යාසනුකූළ විවාහයකට එළඹෙනවාට වඩා අභිමානයෙන් යුතු විවාහයක් තෙක් ඔබ ඉවසීමෙන් කල්පනාකාරීව කටයුතු කරන්න. ඔබට නිසි වයස එළඹෙන විට ඔබ අධ්යායපනය තුළින් ද ජීවිතය ජය ගෙන ඇත්නම් ඔබ සමාජයට ඉතා වටිනා පුද්ගලයෙකු බවට පත් වනු ඇත. එම වටිනාකම් සමඟින් සුදුසු පුද්ගලයෙකු හා සතුටින් යුතුව දෙමාපිය නෑදෑ හිතවතුන්ගේ ආශිර්වාද මැද විවාහය නම් සොඳුරු බැඳීමට එක්වන්න. ඔබ ගැහැණු ළමයෙකු නම් රජ කුමරියක සේ ද පිරිමි ළමයෙකු නම් රජ කුමරුවකු සේ ද අභිමානයෙන් සැරසී සතුට සැනසුම පිරි කැදැල්ලකට ඔබට පි මනින්නට හැකි වනු ඇත. එතෙක් ඔබ ඔබගේ ජිවිතය රැකගන්න.
“ අරලියා මල් ඔහේ පිපුණට පෝය නෑ අවිදින්
වැඩෙයි අව සඳ ගෙවී අටවක නොවී ඉමු ඉක්මන්
ගෙදර බුදුණගෙ ඇල්ම බැල්මේ අමාවක ගෙවපන්
පුරා පෝයට මලුත් අරගෙන අපිත් යමු පන්සල් .....
සේනානායක වේරලියද්ද ගායනා කරන මේ ගීතයේ කියවෙන අයුරින් ඔබ ඉක්මන් නොවි ජීවිතයට පසු තැවෙන තීරණ වලට එළඹෙන්නේ නැතිව සිටින්න. යළි යළිත් මතක තබා ගන්න.

ජීවිතේට රිවස් නැති බව.